أداة بنيل باتيل Ubersuggest الحقيقة من الأدوات الكويسة اللي تقدر تعتمد عليها في تحليل وتحسين موقعك.
أول حاجة هتدخل لرابط الأداة
بعد كدة هتكتب دومين الموقع و تحدد البلد عادي وتضغط Search.
بعد كدة هتضغط على أداة Keywords هيظهر لك أهم الكلمات المفتاحية الخاصة بموقعك، هتلاقي التصنيف من الشمال لليمين كالتالي:
الكلمة المفتاحية - معدل البحث - ترتيبك في الكلمة - عدد الزيارات اللي بتحصل عليها - رابط الموضوع - صعوبة الكلمة
الكلمة المفتاحية - معدل البحث - ترتيبك في الكلمة - عدد الزيارات اللي بتحصل عليها - رابط الموضوع - صعوبة الكلمة
اللي يهمنا هي خانة Position هتلاقي إن عندك نتائج مثلا 4 - 5 - 7 وهكذا النتايج دي هي اللي هتشتغل عليها.
هتعمل ملف نصي بالكلمات اللي في المراكز متأخرة من 4 وانت نازل وتبدأ تنسخ الكلمة وترتيبها ورابط الموضوع ومعدل البحث لحد ما تعمل قايمة بأهم الكلمات دي.
- بعد كدة هتبدأ تمسك الكلمات دي كلمة كلمة هتحلل المواقع المتصدرة عليك وتشوف هما زيادة عنك في إيه، حجم محتوى، صور، فيديو، باك لينك وخلافه وتبدأ تشتغل على الموضوع بتاعك بحيث إنه يبقى أحسن من النتايج اللي قبلك في الحاجات دي.
- بعد ما تحدث الموضوع بتاعك، كل اللي هتعمله إنك تحاول تجيب دايركت ترافيك بعد التحديث على قد ما تقدر يعني نشر على مواقع التواصل وإشعارت للناس اللي بتستخدم الخدمات دي وما إلى ذلك.
"كل ما حجم الترافيك بعد التحديث كان أكبر كل ما كانت ظهور نتيجة التحديث أسرع".
"كل ما حجم الترافيك بعد التحديث كان أكبر كل ما كانت ظهور نتيجة التحديث أسرع".
هتكرر نفس الموضوع على كل الكلمات اللي عندك في القايمة، وكل ما تحديثك للموضوع أفاد الزائر وأضاف جودة للموضوع "مش مجرد حشو وزيادة وخلاص" والترافيك المباشر كان كويس هتلاقي إن في خلال فترة قصيرة عدد زوارك بدأ في الزيادة بشكل كبير إن شاء الله.
ولمزيد من التوضيح شاهد الفيديو بالاسفل
ليست هناك تعليقات:
لا تذهب دون أن تترك تعليقك على الموضوع
ملحوظة: يمكن لأعضاء المدونة فقط إرسال تعليق.